กรกฎาคม 2011 ~ ສີທັດ ຈັນທະລັງສີ

     ໝູ່ຂອງຂ້ອຍເປັນຜູ້ຍິງທຳມະດາໆຄົນໜຶ່ງ ລາວໜ້າຕາດີ ເຮົາຮຽນຈົບໃນຄະນະດຽວກັນ ຫລັງຈາກຮຽນຈົບມາໄດ້ປີກວ່າໆ ຂ້ອຍກໍ່ໄດ້ຮັບກາດເຊີນໄປງານແຕ່ງ.
     ວັນແຕ່ງງານຂອງລາວ ລາວງົດງາມແລະສົດໃສເໝືອນເດີມ ເບິ່ງແລ້ວ ລາວຄົງຈະພົບເນື້ອຄູ່ຕາມທີ່ລາວໄດ້ໄຝ່ຝັນຢ່າງແທ້ຈິງ .. ເພື່ອນໃນກຸ່ມຂອງລາວເຖິງກັບຕາຮ້ອນດ້ວຍຄວາມອິດສາ ຢາກແຕ່ງງານເໝືອນກັນກັບລາວ.
     ຜ່ານໄປໄດ້ເກືອບປີກວ່າໆ ຂ້ອຍກໍ່ໄດ້ຂ່າວວ່າລາວໄດ້ອອກລູກແລ້ວ ພວກໝູ່ເພື່ອນລວມທັງຂ້ອຍ ກໍ່ໄດ້ຕາມໄປເບິ່ງລາວຢູ່ບ້ານ ລາວຄົງເປັນຄົນໂຊກດີຄົນໜຶ່ງທີ່ຂ້ອຍເຫັນ ເພາະທັງສາມີແລະຄອບຄົວຂອງລາວເບິ່ງມີຄວາມສຸກກັນຖ້ວນໜ້າ ເພື່ອນໆຕ່າງເວົ້າຢອກລາວວ່າ ລາວຄືຄົນຖຶກເລກລາງວັນທີ່ 1 ເພາະລາວມີສາມີທີ່ແສນດີ ຂ້ອຍເອງກໍ່ຮູ້ສຶກແບບນັ້ນເຊັ່ນດຽວກັນ ເພາະມັນຊ່າງແຕກຕ່າງຈາກຫລາຍໆຄູ່ທີ່ຂ້ອຍເຄີຍໄດ້ຍິນມາ.
     ເວລາຜ່ານໄປອີກປີກວ່າໆເຊັ່ນເຄີຍ ຂ້ອຍກໍ່ໄດ້ຮັບຂ່າວວ່າລາວໄດ້ອອກລູກອີກຄົນ ຊີວິດຂອງລາວເຮັດໃຫ້ຂ້ອຍເລິ່ມຮູ້ສຶກຢາກມີຊີວິດຄູ່ຂຶ້ນມາທັນທີ ເບິ່ງໄປຢ່າມລາວເໝືອນຄັ້ງທີ່ແລ້ວ ແລະຮອດບໍ່ມີຫຍັງປ່ຽນແປງ ເບິ່ງລາວຄືມີຄວາມສຸກຫລາຍທີ່ໄດ້ແຕ່ງງານນຳຜູ້ຊາຍຄົນນີ້ ລາວເອງກໍ່ບອກກັບຂ້ອຍເຊັ່ນນັ້ນ ຊີວິດຄອບຄົວຂອງລາວມີຄວາມລົງຕົວເປັນຢ່າງດີ.
     ສອງປີຜ່ານໄປ ເພື່ອນໃນກຸ່ມຂອງເຮົາແຕ່ງງານ ຂ້ອຍໄດ້ພົບກັບລາວອີກຄັ້ງໃນງານແຕ່ງນີ້ ຫລັງເລີກຈາກງານແຕ່ງ ຂ້ອຍອາສາພາລາວໄປສົ່ງບ້ານ ຕະຫລອດເສັ້ນທາງ ລາວເຮັດໃຫ້ທັດສະນະຄະຕິຂອງຂ້ອຍປ່ຽນແປງໄປເລີຍ ລາວໄດ້ເອີ່ຍເຖີງເລື່ອງຄອບຄົວ ຊ້ອຍບອກກັບລາວວ່າ ລາວໂຊກດີທີ່ໄດ້ສາມີຄົນນີ້ ແລ້ວລາວກໍ່ບອກກັບຂ້ອຍວ່າ “ບໍ່ມີໃຜດີທີ່ສຸດ ທຸກຄົນຍ່ອມມີຂໍ້ເສຍ ແລະ ຂໍ້ດີແຕກຕ່າງກັນ ເຂົາກໍ່ມີຂໍ້ເສຍ ເຮົາກໍ່ມີຂໍ້ເສຍ ແຕ່ເມື່ອແຕ່ງງານກັນແລ້ວ ສິ່ງໜຶ່ງທີ່ເຮັດໃຫ້ຊີວິດຄູ່ຢູ່ໄດ້ຄື ການໃຫ້ອະໄພ ແລະ ການປ່ອຍວາງ” ບໍ່ແມ່ນລາວບໍ່ເຄີຍພົບເລື່ອງທີ່ບໍ່ພໍໃຈ ພຽງແຕ່ລາວບໍ່ເຮັດໃຫ້ມັນເປັນເລື້ອງຫລາຍກວ່າ ຂ້ອຍເອງກໍ່ແອບຊື່ນຊົມລາວຢູ່ໃນໃຈ .. ສັກພັກໜຶ່ງລາວກໍ່ເວົ້າຂຶ້ນມາວ່າ “ເຈົ້າຮູ້ບໍ່ ບາງຄັ້ງຂ້ອຍຍັງແອບຄິດຮອດຄົນທີ່ຂ້ອຍເຄີຍແອບຮັກເລີຍ ຍັງຄົງແອບຄິດຮອດຢູ່ເປັນປະຈຳ ແຕ່ເຈົ້າຮູ້ບໍ່ ຂ້ອຍຮູ້ດີວ່າ ຄົນທີ່ຂ້ອຍຮັກ ອາດບໍ່ແມ່ນຄົນທີ່ເຮົາຈະໃຊ້ຊີວິດຢູ່ນຳ” ຂ້ອນຍເຮັດໜ້າງົງໆ ລາວຍິ້ມແລ້ວເວົ້າຕໍ່ວ່າ “ຄົນທີ່ເຮົາຮັກ ບາງຄັ້ງອາດບໍ່ເໝາະທີ່ຈະມາໃຊ້ຊີວິດຢູ່ຄູ່ກັບເຮົາ ເຂົາເໝາະພຽງແຄ່ໃຫ້ເຮົາໄດ້ແອບຮັກ ແອບຄິດຮອດ ໃນຄວາມເປັນຈິງແລ້ວ ເຮົາຮູ້ດີວ່າ ຄົນທີ່ຈະຢູ່ກັບເຮົາໄດ້ນັ້ນຕ້ອງເປັນຈັງໃດ ຂ້ອຍເອງກໍ່ເລືອກຖືກຕ້ອງແລ້ວ ຊີວິດຄູ່ສະໄໝນີ້ ຄິດແຕ່ຈະເລືອກສະເພາະຄົນທີ່ເຮົາຮັກ ແຕ່ບໍ່ໄດ້ແນມເບິ່ງວ່າເຂົາກັບເຮົາເຂົ້າກັນໄດ້ບໍ່ ເຂົາເປັນຄົນແບບໃດ ຈົນກວ່າໄດ້ຢູ່ນຳກັນແທ້ໆ ເມື່ອຄວາມຮັກຫາຍໄປ ຄວາມເປັນໂຕຕົນທີ່ແທ້ຈິງກໍ່ອອກມາ ອັນຫຍັງທີ່ແຕ່ກ່ອນເຮັດແລ້ວບໍ່ສົນໃຈ ດຽວນີ້ເຮັດຫຍັງໜ້ອຍໜຶ່ງກໍ່ຂັດຫູຂັດຕາ ແລ້ວກໍ່ມາຈົບລົງທີ່ການຢ່າຮ້າງ ເຈົ້າເຊື່ອຂ້ອຍເຖາະວ່າ ເມື່ອຢູ່ນຳກັນດົນໄປແລ້ວ ຄວາມຮັກມັກມາຊ້າກວ່າຢ່າງອື່ນສະເໝີ ຫາກເຮົາຈະເລືອກໃຜເປັນຄູ່ຊີວິດຈັກຄົນ ເຮົາຄວນຈະແນມເບິ່ງເຂົາໃຫ້ຫລາຍກວ່າຄວາມຮັກ” ຂ້ອຍຂັບລົດມາເຖິງໜ້າບ້ານລາວພໍດີ ສາມີລາວອອກມາຮັບ ສອງຄົນພາກັນເຂົ້າເຮືອນ ເບິ່ງຄວາມຮັກຂອງລາວແລະຄອບຄົວກໍ່ອົບອຸ່ນດີ ຫລັງຈາກຂ້ອຍຂັບລົດກັບ ຂ້ອຍກໍ່ຄິດໄດ້ທັນທີວ່າ ຫລາຍຄັ້ງຄົນທີ່ຢູ່ຄຽງຂ້າງຂ້ອຍ ມັກຖາມຂ້ອຍວ່າ ເມື່ອໃດຈະແຕ່ງງານຈັກເທື່ອ ແຕ່ຂ້ອຍກັບຄິດເຖິງແຕ່ຄົນໆໜຶ່ງ ທີ່ຂ້ອຍຫລົງຮັກ ຈົນລືມຄວາມຈິງໄປວ່າ ເຮົາຄວນຢູ່ກັບສິ່ງທີ່ແມ່ນຫລາຍກວ່າພະຍາຍາມຮຽກຮ້ອງຫາສິ່ງທີ່ເປັນພຽງຄວາມວ່າງເປົ່າ ຄຳເວົ້າຂອງລາວ ເຮັດໃຫ້ຂ້ອຍແນມຄຳວ່າຊີວິດຄູ່ປ່ຽນໄປ ແລະ ເປີດໃຈຮັບກັບການແຕ່ງງານຫລາຍຂື້ນ ຈົນເຖິງທຸກມື້ນີ້ ຂ້ອຍມີລູກແລ້ວສອງຄົນກັບຄົນທີ່ຂ້ອຍເລືອກແລ້ວວ່າ ລາວຄວນຄ່າເປັນພໍ່(ຫຼືແມ່)ຂອງລູກຂ້ອຍ.

ແລ້ວເຈົ້າລະຈະເລືອກ “ຄົນທີ່ແມ່ນ” ຫຼື “ຄົນທີ່ມັກ”

from of data

ສີທັດ ຈັນທະລັງສີ

5/7/54

ຄຳສັ່ງຈາກໃຈ

4/7/54

ເລື່ອງດີໆທີ່ຢາກໃຫ້ທຸກຄົນໄດ້ອ່ານ

i am Sythad

Featured Video

Recent Posts

BThemes

BTricks

Download

Archives